జాతీయ అరుంధతి మహిళా శక్తి అని పిలవబడే ఒక సంస్థ మెగా పవర్ స్టార్ రామ్ చరణ్ తేజ్ నటిస్తున్న ‘రచ్చ’ సినిమా పై బంజారాహిల్స్ పోలిస్ స్టేషన్లో కంప్లైంట్ ఇచ్చింది. ఈ సినిమాలోని ఒక పాటలోని సన్నివేశాలు తమ మనోభావాలు దెబ్బతీసేలా ఉన్నాయని ఈ సంస్థ ఆరోపిస్తోంది. రచ్చ సినిమాలోని వాన వాన వెల్లువాయే పాటలో బుద్ధుడి విగ్రహం ఉండటం ఈ సంస్థను ఆగ్రహానికి గురి చేసింది. జాతీయ అరుంధతి మహిళా శక్తి అధ్యక్షురాలు కె. అరుంధతి ఈ విషయం పై ఆరోపణ చేస్తూ బంజారాహిల్స్ పోలిస్ స్టేషన్ కు ఒక ఈమెయిలు పంపడం జరిగింది. ప్రస్తుతానికి కేసు నమోదు చేయనప్పటికీ అధికారికంగా కంప్లైంట్ గా మాత్రమే స్వీకరించారు. ఈమెయిలును కేసు నమోదు చేసే అవకాశం లేదని విశ్వసనీయ వర్గాల సమాచారం.