కామెడీ కింగ్ అల్లరి నరేష్ నటించిన భారీ బడ్జెట్ కామెడీ ఎంటర్ టైనర్ ‘యాక్షన్ 3డి’ సినిమా రేపు ప్రేక్షకుల ముందుకు రానుంది. మామూలుగా సి సెంటర్లలో వసతులు అంత బాగుండవు, అందుకే వారిక మంచి క్వాలిటీ ఉన్న సినిమా చూపించాలని ఈ చిత్ర ప్రొడక్షన్ టీం ప్రత్యేకంగా సి సెంటర్స్ వారి కోసం అనగ్లిప్ 3డి టెక్నాలజీని ఉపయోగిస్తున్నారు. దీనికోసం చైనా నుంచి స్పెషల్ గ్లాసెస్ తెప్పించారు. ఇవి పక్కా 100% ఒరిజినల్ 3డి అంత ఎఫ్ఫెక్టివ్ గా ఉండకపోయినా అనగ్లిప్ 3డి టెక్నాలజీ సి సెంటర్ ప్రేక్షకులకి 3డి టేస్ట్ ని రుచి చూపుతుంది. మల్టీ ప్లెక్సుల్లో మరియు ఏ సెంటర్లలో రియల్ 3డిలో సినిమా చూసే అవకాశం ఉంది.
ఈ భారీ బడ్జెట్ చిత్రాన్ని అనిల్ సుంకర నిర్మించడమే కాకుండా దర్శకత్వం కూడా చేసారు. అల్లరి నరేష్, కిక్ శ్యాం, వైభవ్, రాజు సుందరం హీరోలుగా నటించిన ఈ సినిమాలో నీలం ఉపాధ్యాయ్, స్నేహ ఉల్లాల్, కామ్న జఠ్మలాని, షీన హీరోయిన్స్ గా నటించారు. వీళ్ళు కాకుండా కమెడియన్స్ బ్రహ్మానందం, ఎంఎస్ నారాయణ, మాస్టర్ భరత్, సునీల్, పోసాని కృష్ణ మురళి కూడా ఈ సినిమాలో కనిపించనున్నారు.
