మెగాస్టార్ చిరంజీవి నటిస్తున్న లేటెస్ట్ చిత్రం ‘మన శంకర వరప్రసాద్ గారు’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. పూర్తి కమర్షియల్ ఎంటర్‌టైనర్‌గా దర్శకుడు అనిల్ రావిపూడి ఈ చిత్రాన్ని రూపొందిస్తున్నారు. ఇక ఈ సినిమా షూటింగ్ శరవేగంగా జరుగుతుండటంతో ఈ మూవీ అప్డేట్స్ కోసం అభిమానులు ఎంతో ఆసక్తిగా ఎదురుచూస్తున్నారు.
అయితే, దసరా పండుగ సందర్భంగా ఈ చిత్రానికి సంబంధించిన మెగా అప్డేట్స్ ఇవ్వనున్నట్లు మేకర్స్ ప్రకటించారు. ఈ మెగా అప్డేట్స్ ఏమిటనేవి అక్టోబర్ 1న తెలియనున్నాయి. ఇక ఈ అప్డేట్స్ అనౌన్స్‌మెంట్‌తో ఒక్కసారిగా మెగా ఫ్యాన్స్ అలర్ట్ అయ్యారు. తమ అభిమాన హీరో సినిమా నుంచి రాబోయే అప్డేట్స్ ఎలా ఉండబోతున్నాయా అని వారు ఆతృతగా చూస్తున్నారు.
ఈ సినిమాలో అందాల భామ నయనతార హీరోయిన్‌గా నటిస్తుండగా భీమ్స్ సిసిరోలియో సంగీతం అందిస్తున్నారు. సాహు గారపాటి, సుష్మిత కొణిదెల ఈ చిత్రాన్ని ప్రొడ్యూస్ చేస్తుండగా 2026 సంక్రాంతి కానుకగా ఈ మూవీ రిలీజ్ కానుంది.
