యంగ్ రెబల్ స్టార్ ప్రభాస్ హీరోగా నటించిన ‘మిర్చి’ సినిమా సెన్సార్ కార్యక్రమాలు పూర్తి చేసుకుంది. ఇంకా అధికారికంగా కొన్ని కార్యక్రమాలు మిగిలి ఉన్నాయి. అందుకే ఇంకా సెన్సార్ వారు సర్టిఫికేట్ డిక్లేర్ చెయ్యలేదు. ఎక్కువ భాగం ఈ సినిమాకి యు/ఎ సర్టిఫికేట్ వచ్చే అవకాశముంది. ఈ సినిమా నిడివి 2 గంటల 36 నిమిషాలు ఉంటుంది.
ఫిబ్రవరి 8న రిలీజ్ కి సిద్దమవుతున్న ఈ సినిమాలో అనుష్క, రిచా గంగోపాధ్యాయ హీరోయిన్స్ గా నటించారు. కొరటాల శివ డైరెక్టర్ గా మారి చేసిన ఈ సినిమాకి దేవీ శ్రీ ప్రసాద్ సంగీతం అందించాడు. ఈ సినిమాని యువి క్రియేషన్స్ బ్యానర్ పై వంశీకృష్ణా – ప్రమోద్ ఉప్పలపాటి సంయుక్తంగా నిర్మించారు.
