పవన్ కల్యాణ్ బ్యానర్ లో వైష్ణవ్ తేజ్ హీరోగా ఓ సినిమా రాబోతుందట. త్రివిక్రమ్ అందించిన కథతో ఈ సినిమా తెరకెక్కబోతుందట. ఇంకా ఈ సినిమాకి దర్శకుడిని ఫైనల్ చేయలేదని.. త్వరలోనే దర్శకుడ్ని కూడా ఫైనల్ చేసి సినిమాని అధికారికంగా ప్రకటిస్తారని తెలుస్తోంది. మొత్తానికి మెగా అభిమానులకు ముఖ్యంగా పవన్ ఫ్యాన్స్ కు ఇది శుభ వార్తనే. మరి ఈ వార్తలో ఎంత నిజం ఉందో చూడాలి.
కాగా ‘పింక్’ తెలుగు రీమేక్ వకీల్ సాబ్, అలాగే క్రిష్ దర్శకత్వంలో ఒక సినిమా చేస్తున్న పవన్, ఈ సినిమాల తర్వాత హరీష శంకర్ దర్శకత్వంలో ఒక సినిమా చేయడానికి ఒప్పుకున్నారు. ఈ ప్రాజెక్ట్స్ అన్నీ ఈ ఏడాది చివరినాటికి పూర్తైపోతాయి. పవన్ 2022లో కూడా సినిమాలు చేసే ఆలోచనలో ఉండటంతో దర్శకుడు డాలీ కూడా సినిమా చేయడానికి పవన్ నుండి సానుకూల స్పందనే వచ్చిందని, అన్నీ కుదిరితే సినిమా ఓకే అయి, 2022లో వచ్చే అవకాశం ఉంది.
