పవర్ స్టార్ పవన్ కళ్యాణ్ హీరోగా ప్లాన్ చేసిన లైనప్ లో లేటెస్ట్ గా యాడ్ అయిన క్రేజీ ప్రాజెక్ట్ “అయ్యప్పణం కోషియం” రీమేక్. యువ దర్శకుడు సాగర్ చంద్ర దర్శకత్వం వహించనున్న ఈ క్రేజీ ప్రాజెక్ట్ జస్ట్ అనౌన్స్మెంట్ తోనే భారీ హైప్ ను తెచ్చేసుకుంది. ఇక అలాగే పవన్ రోల్ తో పాటు ఈ చిత్రంలో మరో కీలక పాత్రలో ఎవరు నటిస్తారు అన్న టాక్ లో వచ్చిన రానా పేరే ఫైనల్ అయ్యింది. మరి ఈ క్రేజీ ప్రాజెక్ట్ కు సంబంధించి మేకర్స్ లేటెస్ట్ గా మరో అనౌన్స్మెంట్ కూడా చేసేసారు.
ఈ చిత్రం తాలూకా ముహుర్తంను రేపు డిసెంబర్ 21న ఫిక్స్ చేసారు. అలాగే ఈ ముహూర్తంలో పవన్ మరియు రానా ఇద్దరు కూడా పాల్గొననున్నట్టు టాక్. ఇక మంచి హైప్ ను నమోదు చేసుకున్న ఈ చిత్రానికి థమన్ సంగీతం అందిస్తుండగా సితార ఎంటర్టైన్మెంట్స్ వారు ఈ చిత్రాన్ని నిర్మిస్తున్నారు. ఈ సినిమాకు పవన్ భారీ రెమ్యునరేషన్ తీసుకుంటున్న విషయం ఏ రేంజ్ హాట్ టాపిక్ అయ్యిందో తెలిసిందే. మొత్తానికి మాత్రం ఈ సినిమా పట్ల సర్వత్రా ఆసక్తి నెలకొంది.
