యంగ్ టైగర్ ఎన్టీఆర్ మరియు మెగాపవర్ స్టార్ రామ్ చరణ్ లాంటి ఇద్దరు పవర్ ఫుల్ మాస్ హీరోలకు అంతే స్థాయి మాస్ దర్శకుడు తోడైతే ఎలా ఉంటుందో ఇప్పటికే మనం చూసేసాం. కానీ అంచనాలకు మించి ఈ ఇద్దరి హీరోల కలయికలో రాజమౌళి కాంబో అన్నది ఇప్పటికీ ఒక సెన్సేషనల్ వర్డ్ గా వినిపిస్తుంది. అలాంటి ఈ ముగ్గురి కలయికలో ఒక పీరియాడిక్ డ్రామాను తెరకెక్కిస్తుండడం ఆ అంచనాలను ఇంకెక్కడో నిలిపింది.
అయితే ఈ సినిమాలో ఒక చిన్న కీలక పాత్ర పోషిస్తున్న శ్రేయ శరన్ చేసిన కొన్ని కామెంట్స్ బయటకు వాచినట్టు తెలుస్తుంది. తన ఇంతకు ముందు “ఛత్రపతి” లో నటించి ఇప్పుడు RRR కు పని చేస్తున్నానని ఈ సినిమా విషయంలో రాజమౌళి కి గ్రేట్ విజన్ ఉందని అలాగే ఈ చిత్రాన్ని రాజమౌళి చాలా డిఫరెంట్ గా తెరకెక్కిస్తున్నారని తెలిపారు. ఈ చిత్రం మళ్ళీ షూట్ మొదలయ్యి విడుదల కోసం తాను కూడా ఎదురు చూస్తున్నానని తెలిపింది. ఇప్పటికే ఈ చిత్రంపై తారా స్థాయి అంచనాలు ఉన్నాయి. మరి ఈ చిత్రం ఎప్పుడు విడుదల కానుందో చూడాలి.
