మన తెలుగు ఇండస్ట్రీ నుంచి బాహుబలి తర్వాత మొత్తం ఇండియా వైడ్ ఇంపాక్ట్ కలిగిన భారీ ప్రాజెక్ట్ “RRR”. యంగ్ టైగర్ ఎన్టీఆర్ మరియు మెగాపవర్ స్టార్ రామ్ చరణ్ దర్శక ధీరుడు రాజమౌళి ప్లాన్ చేసిన ఈ పీరియాడిక్ వండర్ కోసం సినీ ప్రేక్షకులు భారీ ఎత్తున ఎదురు చూస్తున్నారు. ఈ ఏడాది లాక్ డౌన్ వల్ల షూటింగులు నిలిచిపోవడంతో ఈ సినిమా కూడా ఆగిపోవాల్సి వచ్చింది.
ఇప్పుడు ఎలాగో షూటింగ్ మళ్ళీ మొదలు కానుంది అని టాక్ వినిపిస్తుండగా అప్పటి వరకు అధికారికంగా ఎలాంటి అప్డేట్స్ రావని ఖరారు అయ్యింది.ఇదిలా ఉండగా ఈ చిత్ర యూనిట్ కు ఇప్పటికే చాలా ఛాలెంజ్ లు ఎదురయ్యాయి.అలా ఇప్పుడు మరో ఫ్రెష్ ఛాలెంజ్ వచ్చినట్టు తెలుస్తుంది. అయితే ఈ చిత్రాన్ని నిర్మాత డివివి దానయ్య దాదాపు 400 కోట్లకు పైగానే భారీ వ్యయంతో తెరకెక్కించనున్నట్టు తెలిసిందే. కానీ ఇప్పుడు వీరికి సరికొత్త ఛాలెంజ్ ఎదురవ్వనున్నట్టు తెలుస్తుంది.
ఇప్పుడు ఈ చిత్రానికి అదనంగా మరో వందకోట్లు ఖర్చు అయ్యే అవకాశాలు ఉన్నాయని సినీ వర్గాల్లో ప్రచారం జరుగుతుంది. అది కూడా ఈ కోవిడ్ పరిస్థితుల వల్లనే పెరిగినట్టు టాక్. కొమరం భీం గా తారక్, అలలుగా చరణ్ కనిపించనున్న ఈ ప్రాజెక్ట్ కు ఎం ఎం కీరవాణి గారు సంగీతం అందిస్తున్నారు. మరి ఈ చిత్రం ఎప్పుడు విడుదల అవుతుందో చూడాలి.
