కన్నడ స్టార్ యశ్ నటిస్తున్న లేటెస్ట్ చిత్రం ‘టాక్సిక్’ ఇప్పటికే ప్రేక్షకుల్లో ఎలాంటి బజ్ క్రియేట్ చేసిందో అందరికీ తెలిసిందే. ఈ సినిమాను గీతూ దాస్ డైరెక్ట్ చేస్తుండగా పీరియాడిక్ గ్యాంగ్స్టర్ డ్రామాగా ఈ సినిమా ప్రేక్షకులను అలరించేందుకు సిద్ధమవుతోంది. కాగా, ఈ సినిమా నుండి తాజాగా ఓ ఇంటెన్స్ పోస్టర్ను మేకర్స్ రిలీజ్ చేశారు.
గతకొద్ది రోజులుగా ఈ చిత్ర రిలీజ్ డేట్ వాయిదా అంటూ వచ్చిన వార్తలకు చెక్ పెడుతూ యశ్ ఈ పోస్టర్ను రిలీజ్ చేశారు. 2026 మార్చి 19న ‘టాక్సిక్’ చిత్రాన్ని రిలీజ్ చేస్తున్నట్లు మరోసారి ఈ పోస్టర్ ద్వారా కన్ఫర్మ్ చేశారు. ఇక టాక్సిస్ గ్యాంగ్స్టర్ రాకకు మరో 100 రోజులు మాత్రమే ఉందని ఆయన కౌంట్డౌన్ షురూ చేశారు.
ఈ సినిమాలో కియారా అద్వానీ, నయనతార, తారా సుతారియా, రుక్మిణి వసంత్, హుమా ఖురేషీ తదితరులు ఇతర ముఖ్య పాత్రల్లో నటిస్తున్నారు. అనిరుధ్ రవిచందర్ సంగీతం అందిస్తున్న ఈ సినిమాను కెవిఎన్ ప్రొడక్షన్స్, మాన్స్టర్ మైండ్ క్రియేషన్స్ బ్యానర్లు సంయుక్తంగా ప్రొడ్యూస్ చేస్తున్నాయి.
