నందమూరి మోక్షజ్ఞ ఎంట్రీ పై బాలయ్య అభిమానులు ఆసక్తిగా ఎదురుచూస్తున్నారు. ఇప్పటికే బాలకృష్ణ.. తన కొడుకు మోక్షజ్ఞ ఎంట్రీపై చాలాసార్లు స్పందించారు. రీసెంట్ గా ‘ఇఫి’ వేడుకల్లో కూడా ఈ విషయం గురించి బాలకృష్ణ చెబుతూ.. తన ‘ఆదిత్య 369’కి కొనసాగింపుగా రూపొందనున్న ‘ఆదిత్య 999 మ్యాక్స్‌’తోనే మోక్షజ్ఞ కథానాయకుడిగా పరిచయం కానున్నట్టు బాలయ్య క్లారిటీ ఇచ్చారు. కాగా ‘ఆదిత్య 999 మ్యాక్స్‌’ సినిమాని ప్రముఖ దర్శకుడు క్రిష్‌ తెరకెక్కించనున్నట్టు టాక్ నడుస్తోంది.
ఇక ఈ చిత్రం స్క్రిప్ట్ వర్క్ ప్రస్తుతం శరవేగంగా జరుగుతుంది. రచయిత సాయి మాధవ్ బుర్రా ఈ స్క్రిప్ట్ పై వర్క్ చేస్తున్నారు. ఐతే, ఈ సినిమాలో నటించే హీరోయిన్ పై ఇప్పుడు ఒక రూమర్ వినిపిస్తోంది. ఈ సినిమాలో మోక్షజ్ఞకి జోడిగా సీనియర్ కథానాయిక రవీనా టాండన్ కుమార్తె ‘రాషా తడాని’ నటిస్తోందని తెలుస్తోంది. ఐతే, ఈ వార్త పై ఇంకా అధికారిక ప్రకటన రావాల్సి ఉంది. ఇక ఆ మధ్య తన వారసుడి ఎంట్రీ పై బాలయ్య మాట్లాడుతూ.. ‘మోక్షజ్ఞను ఎలా ఇంట్రడ్యూస్ చేయాలో నాకు తెలుసు. మోక్షజ్ఞ కోసం ఒక ఐదు ఆరు స్క్రిప్ట్స్ నా మైండ్ లోనే రెడీగా ఉన్నాయి’ అని బాలయ్య చెప్పుకొచ్చారు.
