ఎనర్జిటిక్ స్టార్ రామ్ పోతినేని నటిస్తున్న లేటెస్ట్ చిత్రం ‘ఆంధ్ర కింగ్ తాలూకా’ మరో రెండు రోజుల్లో ప్రేక్షకుల ముందుకు రానుంది. ఈ సినిమాను దర్శకుడు మహేష్ బాబు పి డైరెక్ట్ చేస్తుండటంతో ఈ సినిమాపై అంచనాలు భారీగా నెలకొన్నాయి. ఇక ఈ సినిమా నుండి ఇప్పటికే రిలీజ్ అయిన పోస్టర్స్, టీజర్, ట్రైలర్ ఈ సినిమాపై ఉన్న అంచనాలు పెంచాయి. ఈ సినిమాలో అందాల భామ భాగ్యశ్రీ బొర్సే హీరోయిన్‌గా నటిస్తోన్న సంగతి తెలిసిందే.
ఈ సినిమా ప్రారంభమైనప్పటి నుండి హీరో రామ్, హీరోయిన్ భాగ్యశ్రీల మధ్య ఏదో నడుస్తుందనే పుకార్లు చక్కర్లు కొట్టాయి. దీనికి తోడు, ఈ సినిమా కోసం రామ్ స్వయంగా పాటలు రాయడం, పాడటం కూడా చేయడంతో వారిద్దరి మధ్య నిజంగానే ఏదో రిలేషన్ నడుస్తుందని అందరూ అనుకున్నారు. ఇక ఇప్పుడు ఈ చిత్ర ప్రమోషన్స్‌లో భాగంగా రామ్‌కు ఈ విషయంపై ఓ ప్రశ్న ఎదురైంది.
భాగ్యశ్రీతో రామ్ డేటింగ్‌లో ఉన్నారా..? అని ఓ ఇంటర్వ్యూలో ఆయనకు ప్రశ్న ఎదురైంది. దీనికి చాలా కూల్‌గా సమాధానమిచ్చాడు రామ్. తమ మధ్య అలాంటిది ఏమీ లేదని.. ఆన్‌స్క్రీన్‌లో తమ జోడీ మధ్య కెమిస్ట్రీ అద్భుతంగా రావడంతో జనాల్లో ఈ ప్రశ్న తలెత్తిందని.. అంతే తప్ప.. వారి మధ్య నిజంగా అలాంటి రిలేషన్ ఏమీ లేదని రామ్ తేల్చేశాడు. అటు భాగ్యశ్రీ కూడా తమది మంచి ఫ్రెండ్‌షిప్ మాత్రమే అని చెప్పడంతో వారి మధ్య డేటింగ్ రూమర్స్‌కు చెక్ పడింది.
