మెగాపవర్ స్టార్ రామ్ చరణ్ హీరోగా జాన్వీ కపూర్ హీరోయిన్ గా దర్శకుడు బుచ్చిబాబు సానా కాంబినేషన్ లో చేస్తున్న అవైటెడ్ చిత్రం “పెద్ది” కోసం అందరికీ తెలిసిందే. భారీ అంచనాలు సెట్ చేసుకున్న ఈ సినిమా నుంచి వచ్చిన మొదటి సాంగ్ ఆల్రెడీ మ్యూజిక్ ఛార్ట్స్ ను రూల్ చేస్తుంది. ఇక ఈ సినిమా ఇప్పుడు భారీ సెట్ లో ఫైట్ సీక్వెన్స్ కోసం సిద్ధం అయ్యినట్టు తెలుస్తుంది.
మేకర్స్ ఓ గ్రాండ్ సెట్ ని వేయగా అందులో రామ్ చరణ్ పై ఇంటెన్స్ యాక్షన్ సీక్వెన్స్ ని తెరకెక్కిస్తున్నారట. మరి ఈ ఎపిసోడ్ ని బాలీవుడ్ స్టంట్ మాస్టర్ షామ్ కౌశల్ (దంగల్ ఫేమ్) సారథ్యంలో తెరకెక్కిస్తుండగా ఈ ఫైట్ లో ఓ సర్ప్రైజ్ కూడా ఉందట. అదేంటంటే ఇది కేవలం రామ్ చరణ్ పై మాత్రమే కాదట.
ఈ ఎపిసోడ్ లో కన్నడ స్టార్ నటుడు శివరాజ్ కుమార్ కూడా ఉన్నారని సమాచారం. సో ఫ్యాన్స్ కి ఈ ఎపిసోడ్ మాత్రం థియేటర్స్ లో ఫీస్ట్ గా నిలవబోతుంది అని చెప్పాలి. ఇక ఈ చిత్రానికి రెహమాన్ సంగీతం అందించగా వృద్ధి సినిమాస్ నిర్మాణం వహిస్తున్నారు. అలాగే వచ్చే ఏడాది మార్చ్ 27న పాన్ ఇండియా లెవెల్లో ఈ సినిమా రిలీజ్ కాబోతుంది.