యంగ్ రెబల్ స్టార్ ప్రభాస్ హీరోగా ప్రస్తుతం చేస్తున్న భారీ చిత్రాల్లో దర్శకుడు మారుతీ కాంబినేషన్ లో చేస్తున్న సాలిడ్ ఎంటర్టైనర్ చిత్రం “ది రాజా సాబ్” కూడా ఒకటి. మరి ఈ సినిమాని భారీ విజువల్స్ తో తెరకెక్కిస్తుండగా మేకర్స్ ఈ ఏడాది డిసెంబర్ 5 డేట్ లో సినిమాని లాక్ చేశారు. నిజానికి ఏప్రిల్ లో రావాల్సిన ఈ సినిమా అలా వాయిదా పడుతూ వచ్చింది.
కానీ ఈ మధ్యలోనే సినిమా మళ్ళీ జనవరి 9, 2026 లో విడుదల అవుతుంది అన్నట్టు కూడా టాక్ మొదలైంది. మరి ఈ సంశయంలో అభిమానులకి ఒక అఫీషియల్ క్లారిటీ వచ్చేసింది. ఈ సినిమా నిర్మాత టీజీ విశ్వ ప్రసాద్ లేటెస్ట్ మిరాయ్ ఈవెంట్ లో మాట్లాడుతూ రాజా సాబ్ చిత్రం వచ్చే ఏడాది జనవరి 9న వస్తున్నట్టుగా కన్ఫర్మ్ చేశారు. సో వాయిదా ఖరారు అయ్యింది. ఇక ఇదే డేట్ లో దళపతి విజయ్ జన నాయకుడు కూడా ఉంది. మరి ఈ బిగ్ క్లాష్ ఎలా ఉంటుందో చూడాలి.
