మన తెలుగు సినిమాలో డైలాగ్స్ అంటే నందమూరి హీరోస్ కి సెపరేట్ లీగ్ ఉంటుంది. ఇక అందులో నటసింహం బాలయ్య డైలాగ్స్ కూడా వేరే లెవెల్లో రీచ్ ఉంటాయి. ఇలా తన డైలాగ్స్ తోనే సాలిడ్ హిట్ గా నిలిచిన సినిమాలు కూడా లేకపోలేవు. అందుకే తన సినిమాలు అంటే దర్శకులు, డైలాగ్ రైటర్స్ కి బాలయ్యకి డైలాగ్ లు రాయడం అనేది కత్తి మీద సాము లాంటిదే..
ఇలా ఇపుడు అఖండ 2 లో కూడా బాలయ్య మాటల తూటాలు చాలానే ఉన్నట్టు ట్రైలర్ లో కనిపిస్తున్నాయి. ఇక ఈ సినిమా ఈవెంట్ లో తన నెక్స్ట్ సినిమా 111వ ప్రాజెక్ట్ దర్శకుడు మలినేని గోపీచంద్ కాంబినేషన్ లో చేస్తున్న సాలిడ్ ప్రాజెక్ట్ నుంచి ఓ పవర్ఫుల్ డైలాగ్ ని బాలయ్య లీక్ చేయడం వైరల్ గా మారింది.
“చరిత్రలో చాలామంది ఉంటారు. కానీ సృష్టించిన చరిత్రను మరల మరల తిరగరాసి సృష్టించే వాడు ఒక్కడే ఉంటాడు. నేనే ఈ చరిత్ర నాదే ఆ చరిత్ర” అంటూ బాలయ్య తన బేస్ వాయిస్ లో ఈ డైలాగ్ చెప్పడం కేజ్రీగా మారింది. ఇలా ఈ పవర్ఫుల్ ప్రాజెక్ట్ నుంచి ఒక ఊహించని డైలాగ్ బాలయ్య లీక్ చెయ్యడం జరిగింది. దీనితో ఈ క్రేజీ ప్రాజెక్ట్ పై ఇప్పుడు మరిన్ని అంచనాలు నెలకొన్నాయి.
