ప్రస్తుతం గ్లోబల్ స్టార్ రామ్ చరణ్ హీరోగా జాన్వీ కపూర్ హీరోయిన్ గా దర్శకుడు బుచ్చిబాబు సానా తెరకెక్కిస్తున్న అవైటెడ్ చిత్రమే “పెద్ది”. సాలిడ్ హైప్ ని సెట్ చేసుకున్న ఈ సినిమాలో మరింతమంది క్రేజీ స్టార్స్ నటిస్తుండగా వారిలో ఓటిటి సెన్సేషన్ మీర్జాపూర్ సిరీస్ ఫేమ్ మున్నా భయ్యా నటుడు దివ్యెందు శర్మ కూడా ఒకరు.
తాను ఈ సినిమాలో సాలిడ్ రోల్ చేస్తుండగా తనపై ఇది వరకే వచ్చిన పోస్టర్ మంచి ఆసక్తి రేకెత్తించింది. ఇక లేటెస్ట్ గా మేకర్స్ నేడు మున్నా భయ్యా బర్త్ డే కానుకగా ఓ స్పెషల్ పోస్టర్ ని మేకర్స్ ఇపుడు విడుదల చేశారు. మరి ఇందులో తాను క్రికెట్ బాల్ పట్టుకొని మంచి మాస్ రగ్గుడ్ లుక్ లో కనిపిస్తున్నాడు.
అలాగే ఈ సినిమాలో తాను రామ్ బుజ్జి అనే పాత్రలో కనిపించనున్నట్టు మేకర్స్ మరో డీటెయిల్ అందించారు. మొత్తానికి ఇప్పుడు తనపై వచ్చిన ఈ పోస్టర్ సోషల్ మీడియాలో ఫ్యాన్స్ లో మంచి వైరల్ గా మారింది. ఇక ఈ భారీ సినిమాకి ఏ ఆర్ రెహమాన్ సంగీతం అందిస్తుండగా వృద్ధి సినిమాస్ నిర్మాణం వహిస్తున్నారు. అలాగే వచ్చే ఏడాది మార్చ్ 27న గ్రాండ్ గా ఈ సినిమా విడుదల కాబోతుంది.
