‘ఈ రోజుల్లో’, ‘బస్ స్టాప్’, ‘ప్రేమ కథా చిత్రమ్’ సినిమాల దర్శకుడు మారుతి దర్శకుడిగానే కాకుండా మారుతీ టాకీస్ సమర్పణలో సినిమాలు కూడా చేస్తున్నాడు. మారుతి టాకీస్ సమర్పణలో మాయాబజార్ మూవీస్ సంస్థతో కలిసి ‘లవర్స్’ అనే సినిమాని తీయనున్నారు. ఈ సినిమా పూజా కార్యక్రమాలు ఈ రోజు జరిగాయి.
సుమంత్ అశ్విన్ – నందిత జంటగా నటిస్తున్న ఈ సినిమా ద్వారా హరి దర్శకుడిగా పరిచయమవుతున్నాడు. ఈ సినిమా గురించి మారుతి మాట్లాడుతూ ‘ ఈ సినిమాకి నేనొక నిర్మాతని మాత్రమే, స్క్రిప్ట్ – దర్శకత్వంతో నాకు ఎలాంటి సంబంధం లేదు. హరి 9 నెలలు కష్టపడి కథని చాలా బాగా రాసుకున్నాడు. డైలాగ్స్ కూడా బాగున్నాయి. సుమంత్ అశ్విన్ – నందిత సినిమాకి పర్ఫెక్ట్ గా సరిపోతారు. ఫీల్ గుడ్ మూవీగా నిలిచిపోయే ఈ సినిమా రెగ్యులర్ షూటింగ్ ఈ నెల 26 నుంచి మొదలవుతుందని’ అన్నాడు.