2020 సంక్రాంతి బాక్సాఫీస్ దుమ్ముదులిపింది. ఇద్దరు బడా హీరోల చిత్రాలు రికార్డ్ కలెక్షన్స్ సాధించాయి. దర్శకుడు అనిల్ రావిపూడి మహేష్ హీరోగా తెరకెక్కించిన మాస్ ఎంటర్టైనర్ సరిలేరు నీకెవ్వరు మహేష్ కెరీర్ బెస్ట్ కలెక్షన్స్ సాధించింది. అలాగే బన్నీ-త్రివిక్రమ్ కాంబినేషన్ లో వచ్చిన అల వైకుంఠపురంలో మూవీ భారీ వసూళ్లు అందుకొని టాలీవుడ్ టాప్ 3 హైయెస్ట్ గ్రాసర్ గా నిలిచింది.
కాగా ఈ రెండు చిత్రాలు 50డేస్ రన్ పూర్తిచేసుకున్నాయి. తెలుగు రాష్ట్రాలలో ఈ సంక్రాంతి చిత్రాల సందడి ఇంకా తగ్గలేదు. అక్కడక్కడా ప్రదర్శించబడుతూనే ఉన్నాయి. చాలా కొత్త చిత్రాలు వచ్చినా వీటికి ఆదరణ తగ్గడం లేదు. సరిలేరు నీకెవ్వరు, అల వైకుంఠపురంలో చిత్రాలు బ్లాక్ బస్టర్ హిట్ సాధించాయి అని చెప్పడానికి ఇదే నిదర్శనం.
