తెలుగు, తమిళ, మలయాళ, హిందీ చిత్రాలలో నటించి అందరి మనసులను దోచుకున్న అతిలోక సుందరి శ్రీదేవి పుట్టినరోజు ఈరోజు. తమిళనాడులో పుట్టిన ఆమె ఈ రోజు తన 50వ పుట్టిన రోజు జరుపుకుంటుంది. 1975లో జూలీ సినిమాతో బాల నటిగా మనకు పరిచయం అయిన శ్రీదేవి ఎన్.టి.ఆర్, ఏఎన్ఆర్ లతో ఎన్నో సినిమాల్లో నటించింది. అంతే కాకుండా చిరంజీవి, నాగార్జునతో కూడా పలు సినిమాల్లో నటించి అందరి ప్రశంసలు పొందింది. తెలుగు, తమిళ, మలయాళ, హిందీ ఎన్నో సినిమాల్లో నటించిన బోని కపూర్ ను వివాహం చేసుకొన్న తరువాత సినిమాలకు దూరం అయ్యింది. ఇటీవలే ‘ఇంగ్లీష్ వింగ్లీష్’ సినిమాతో తిరిగి రీ ఎంట్రీ ఇచ్చింది.
దక్షణాది నుండి వెళ్లి బాలీవుడ్ ను ఏలిన హీరోయిన్స్ లో శ్రీదేవి కూడా ఒకరు. ఆమెకు ఇద్దరు కుమార్తెలు జాన్వి, ఖుషి. ఐదు పదుల వయసులో కూడా తాజాగా ఆమె వోగ్ మాగజైన్ కి ఇచ్చిన ఫోటో షూట్ లో ఆమె అందరినీ ఆకట్టుకుంది.
ఇప్పటికీ వన్నెతరగని అందంతో, అద్బుతమైన నటనతో అందరి మనసులను దోచుకుంటున్న శ్రీదేవికి 123తెలుగు.కామ్ తరుపున జన్మదిన శుభాకాంక్షలు తెలియజేస్తున్నాం.