నందమూరి నటసింహం బాలకృష్ణ హీరోగా దర్శకుడు బోయపాటి శ్రీను దర్శకత్వంలో తెరకెక్కిస్తున్న అవైటెడ్ చిత్రం “అఖండ 2” కోసం అందరికీ తెలిసిందే. ఈసారి తాండవం ఆడించే విధంగా ప్లాన్ చేస్తున్న ఈ సినిమాని బోయపాటి ఎక్కడా తగ్గకుండా తెరకెక్కిస్తున్నారు. మరి ఈ సినిమా కోసం ఎదురు చూస్తున్న ఫ్యాన్స్ కి ఫుల్ మీల్స్ ఇచ్చేలా సంగీత దర్శకుడు థమన్ కూడా మాంచి బాణీలు అందిస్తున్నాడు.
ఇలా ఓ ఫుల్ మాస్ సాంగ్ షూట్ లో మేకర్స్ బిజీగా ఉన్నారు. ఆల్రెడీ సాంగ్ షూట్ లో ఉన్నట్టుగా మేము ఇది వరకే సమాచారం ఇచ్చాము. ఇక దీనిపై మరిన్ని డీటెయిల్స్ వినిపిస్తున్నాయి. ఈ సాంగ్ ని మంచి గ్రాండ్ నెంబర్ గా మొత్తం 600 మంది డాన్సర్ లతో ప్లాన్ చేస్తున్నారట. అలాగే ఈ సాంగ్ ని భాను మాస్టర్ కొరియోగ్రాఫ్ చేస్తున్నారట. ఇప్పటికే బాలయ్యకి పలు క్రేజీ డాన్స్ నంబర్స్ అందించిన థమన్ ఈసారి ఎలాంటి బీట్స్ ఇస్తాడో చూడాలి.
