టాలీవుడ్‌లో వచ్చిన ధమాకా చిత్రం బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాను దర్శకుడు త్రినాథరావు నక్కిన తెరకెక్కించగా మాస్ రాజా రవితేజ, యంగ్ బ్యూటీ శ్రీలీల ఈ సినిమాలో హీరోహీరోయిన్లుగా నటించారు. ఇక ఈ సినిమాలోని కంటెంట్, సాంగ్స్ సూపర్ రెస్పాన్స్ తెచ్చుకోవడంతో ఈ మూవీ బ్లాక్‌బస్టర్ హిట్‌గా నిలిచింది.
అయితే, ఇప్పుడు ఈ సినిమాకు సీక్వెల్ రాబోతున్నట్లు తెలుస్తోంది. తాజాగా ఈ చిత్ర నిర్మాణ సంస్థ పీపుల్ మీడియా ఫ్యాక్టరీ తెలుగు ఫిలిం ఛాంబర్‌లో ‘డబుల్ ధమాకా’ అనే టైటిల్‌ను రిజిష్టర్ చేయించారు. ఈ సినిమాను కూడా త్రినాథరావు నక్కిన డైరెక్ట్ చేయబోతున్నట్లు తెలుస్తోంది. అంతేగాక, ఈ సినిమాలో రవితేజ, శ్రీలీల మరోసారి ప్రేక్షకులను ఎంటర్‌టైన్ చేయబోతున్నట్లు వార్తలు వస్తున్నాయి.
మరి నిజంగానే రవితేజ ఈ సీక్వెల్ చిత్రంలో నటిస్తున్నాడా.. ఈ సినిమాను త్వరలోనే పట్టాలెక్కించడం ఖాయమా.. అనేది అధికారిక ప్రకటన వచ్చే వరకు వెయిట్ చేయాల్సిందే.
