‘ఐకాన్ స్టార్ అల్లు అర్జున్, స్టార్ డైరెక్టర్ అట్లీ’ సినిమా ఎప్పుడు స్టార్ట్ అవుతుంది ?, ఎప్పుడు రిలీజ్ కాబోతుంది ? అంటూ ఫ్యాన్స్ ఆసక్తిగా ఎదురుచూస్తున్నారు. ఈ నేపథ్యంలో ఇప్పుడు ఈ సినిమా గురించి మరో క్రేజీ రూమర్ వినిపిస్తోంది. ఐతే, ఈ మూవీలో నజ్రియా నజీమ్ నటించనున్నట్లు, పైగా ఆమె ఈ సినిమాలో బన్నీకి సిస్టర్ రోల్ లో కనిపించబోతున్నట్లు, ఈ పాత్ర చాలా ఎమోషనల్ టోన్ లో సాగుతుందని టాక్ నడుస్తోంది. మరి నిజంగానే నజ్రియా నజీమ్, బన్నీకి సిస్టర్ రోల్ లో నటిస్తుందా ?, నటిస్తే మాత్రం కాంబినేషన్ అదిరిపోతుంది.
ఇక బన్నీ కోసం అట్లీ పవర్ ఫుల్ స్క్రిప్ట్ ను పూర్తి చేశాడని తెలుస్తోంది. మాఫియా బ్యాక్ డ్రాప్ లో ఓ డాన్ చుట్టూ ఈ కథా నేపథ్యం సాగుతుందట. ఈ సినిమా మెయిన్ కథాంశమే చాలా కొత్తగా ఉంటుందని.. మొత్తానికి బన్నీ – అట్లీ నుంచి ఓ పవర్ ఫుల్ యాక్షన్ అండ్ ఎమోషనల్ డ్రామా రాబోతుందని వార్తలు వినిపిస్తున్నాయి. అన్నట్టు సన్ పిక్చర్స్ వారు ఈ ప్రాజెక్టును నిర్మిస్తున్నారు. ఇప్పటికే, ఈ సినిమాకి సంబంధించిన పనులు శరవేగంగా జరుగుతున్నాయి. అన్నట్టు అట్లీ సినిమా తర్వాత బన్నీతో త్రివిక్రమ్ మూవీ ఉంటుందని తెలుస్తోంది.
