ప్రశాంత్ నీల్ – ఎన్టీఆర్ కాంబినేషన్‌లో వస్తున్న లేటెస్ట్ మూవీ ‘డ్రాగన్’పై భారీ హైప్ కొనసాగుతోంది. ఇటీవల సోషల్ మీడియాలో వైరల్ అయిన ఓ అప్‌డేట్ ఈ చిత్రంపై అంచనాలను మరింత పెంచింది. ప్రత్యేకంగా మలయాళ నటుడు టోవినో థామస్ ఈ ప్రాజెక్టులో భాగమయ్యే అవకాశంపై సాగుతున్న చర్చలు అభిమానులను ఉత్కంఠకు గురి చేస్తున్నాయి.
గోవాలో జరిగిన IFFI వేడుకలో టోవినో థామస్‌ను ‘డ్రాగన్’ సినిమాలో తన పాత్ర గురించి అడగగా, “ఇప్పుడు దీనిపై మాట్లాడే స్థితిలో లేను” అని ఆయన చెప్పిన సమాధానం ఊహాగానాలకు మరింత బలమిచ్చింది. ‘మిన్నల్ మురళి’, ‘2018’, ‘A.R.M’ వంటి చిత్రాలతో తెలుగు ప్రేక్షకులకు పరిచయమైన టోవినో, ఈ సినిమాలో కీలక పాత్రలో కనిపించే అవకాశముందని అభిమానులు నమ్ముతున్నారు.
ఇక బాలీవుడ్ నటుడు అనిల్ కపూర్ కూడా ఈ చిత్రంలో ఉంటారన్న వార్తలు వినిపిస్తున్నప్పటికీ, చిత్ర బృందం అధికారిక ప్రకటన చేయలేదు. ఎన్టీఆర్ హీరోగా, రుక్మిణి వసంత్ హీరోయిన్‌గా నటిస్తున్న ఈ చిత్రం గురించి మరిన్ని వివరాల కోసం ప్రేక్షకులు ఆసక్తిగా ఎదురుచూస్తున్నారు.
