అందాల భామ భగ్యశ్రీ బోర్సె గత సంవత్సరం ‘మిస్టర్ బచ్చన్’ చిత్రంతో తెలుగులోకి ఎంట్రీ ఇచ్చింది. అయితే ఆ సినిమా బాక్సాఫీస్ వద్ద ఘోరంగా ఫెయిల్ కావడంతో ఆమె డెబ్యూ నిరాశపరిచింది. తర్వాత వచ్చిన రెండో సినిమా ‘కింగ్‌డమ్’ పైనా మంచి ఆశలు పెట్టుకున్నా, ఆ చిత్రం కూడా ఫ్లాప్‌గా మిగిలిపోయింది.
ఇలా వరుసగా రెండు ఫ్లాప్‌లు రావడంతో, భగ్యశ్రీ ‘కాంత’ సినిమాపై ఆశలు పెట్టుకుంది. అయితే, ‘కాంత’ చిత్రానికి ఓపెనింగ్ రెస్పాన్స్ బాగానే ఉంది. కానీ బాక్సాఫీస్ ట్రెండ్స్ మాత్రం బలహీనంగా కనిపిస్తున్నాయి. దీంతో ఈ ఏడాదిలో ఆమెకు నిజమైన హోప్‌గా ‘ఆంధ్ర కింగ్ తాలూకా’ మాత్రమే మిగిలింది.
అయితే, ‘కాంత’కు మిక్స్‌డ్ టాక్ వచ్చినప్పటికీ, భగ్యశ్రీ నటనకు మాత్రం మంచి ప్రశంసలు దక్కుతున్నాయి. మరి అమ్మడికి ఆంధ్ర కింగ్ తాలూకా ఎలాంటి సక్సెస్ ఇస్తుందో చూడాలి.
