హీరో అల్లరి నరేష్ నటించిన రీసెంట్ మూవీ ‘12A రైల్వే కాలనీ’ ఇటీవల రిలీజ్ అయి బాక్సాఫీస్ దగ్గర ఫ్లాప్‌గా నిలిచింది. ఈ సినిమాను దర్శకుడు నాని కాసరగడ్డ డైరెక్ట్ చేయగా, అనిల్ విశ్వనాథ్ షో రన్నర్‌గా వ్యవహరించారు. అయితే, ఈ సినిమా ఫెయిల్యూర్‌తో దాని ప్రభావం అల్లరి నరేష్ నెక్స్ట్ చిత్రంపై పడనున్నట్లు తెలుస్తోంది.
ఆయన నటిస్తున్న నెక్స్ట్ చిత్రం ‘ఆల్కహాల్’ ఇప్పటికే ప్రేక్షకుల్లో మంచి బజ్ క్రియేట్ చేసింది. ఈ సినిమాను మెహర్ తేజ్ డైరెక్ట్ చేస్తుండగా డార్క్ క్రైమ్ థ్రిల్లర్‌గా ఈ మూవీ ప్రేక్షకులను ఆకట్టుకోనుంది. ఇక ఈ సినిమాను జనవరి 1, 2026న రిలీజ్ చేయబోతున్నట్లు గతంలో చిత్ర యూనిట్ ప్రకటించింది. కానీ, ఇప్పుడు ఈ సినిమా రిలీజ్ డేట్‌ను వాయిదా వేయాలని మేకర్స్ భావిస్తున్నారట.
ఇటీవల అల్లరి నరేష్ చిత్రం ఫ్లాప్ కావడంతో ఆల్కహాల్ సినిమాను మరికొంత సమయం తీసుకుని రిలీజ్ చేయాలని వారు ప్లాన్ చేస్తున్నారట. ఇక ఈ సినిమాలో రుహాని శర్మ, నిహారిక ఎన్ఎమ్ హీరోయిన్లుగా నటిస్తుండగా సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లపై నాగవంశీ, సాయి సౌజన్య ప్రొడ్యూస్ చేస్తున్నారు. మరి నిజంగానే ఈ సినిమా రిలీజ్ వాయిదా పడుతుందా అనేది వేచి చూడాలి.