డిసెంబర్‌లో టాలీవుడ్ నుంచి రాబోతున్న భారీ రిలీజ్‌లలో బాలకృష్ణ ప్రధాన పాత్రలో నటించిన ‘అఖండ 2’ ఒకటి. బోయపాటి శ్రీను దర్శకత్వం వహించిన ఈ యాక్షన్ డ్రామాలో ఆది పినిశెట్టి ప్రతినాయకుడిగా నటిస్తున్నారు. సినిమా డిసెంబర్ 5న భారీగా విడుదల అవుతోంది.
ఇక ఈ సినిమాకు స్పెషల్ పెయిడ్ ప్రీమియర్స్ వేయబోతున్నట్లు నిర్మాతలు అధికారికంగా ప్రకటించారు. డిసెంబర్ 4న దేశంలోని అన్ని పలు సెంటర్స్‌లో ఈ పెయిడ్ ప్రీమియర్స్ ఉంటాయట. అంతేగాక, తెలుగు రాష్ట్రాల్లో టికెట్ రేట్ పెంపు కోసం కూడా దరఖాస్తు చేసినట్లు సమాచారం. ప్రీమియర్ షోలు రూ.600 గా నిర్ణయించినట్లు తెలుస్తోంది.
సంయుక్త హీరోయిన్‌గా నటిస్తుండగా, ‘బజరంగీ భాయిజాన్’ ఫేం హర్షాలీ మల్హోత్రా ఈ చిత్రంతో టాలీవుడ్‌కు పరిచయమవుతోంది. రామ్ అచంట, గోపీ అచంట నిర్మించిన ఈ చిత్రానికి థమన్ సంగీతం అందిస్తున్నారు.