సూపర్ స్టార్ రజినీకాంత్ హీరోగా నటించిన లేటెస్ట్ చిత్రం ‘కూలీ’ తన కెరీర్ లో మరో భారీ గ్రాసర్ గా కొనసాగుతుండగా ఈ సినిమా తర్వాత తలైవర్ సాలిడ్ లైనప్ తో సిద్ధంగా ఉన్నారు. మరి ఈ చిత్రాల్లో టాలెంటెడ్ దర్శకుడు నెల్సన్ దిలీప్ కుమార్ తెరకెక్కిస్తున్న సాలిడ్ యాక్షన్ చిత్రం ‘జైలర్ 2’ కూడా ఒకటి. మరి దీనిపై ఉన్న హైప్ నెక్స్ట్ లెవెల్ అని చెప్పడంలో సందేహం లేదు.
ఇక ఈ సినిమా షూటింగ్ శరవేగంగా కొనసాగుతుండగా ఈ నెక్స్ట్ షెడ్యూల్ లో టాలెంటెడ్ నటుడు ఎస్ జె సూర్య జాయిన్ కాబోతున్నట్టుగా ఇపుడు తెలుస్తుంది. అయితే ఎస్ జె సూర్య ఈ చిత్రంలో నెగిటివ్ రోల్ లోనే చేస్తున్నట్టు తెలుస్తుంది. ఇక ఈ చిత్రానికి అనిరుద్ సంగీతం అందిస్తుండగా నటసింహ బాలకృష్ణ కూడా ఈ సినిమాలో సాలిడ్ క్యామియోలో కనిపించనున్నారు. అలాగే ఈ చిత్రాన్ని సన్ పిక్చర్స్ వారు నిర్మాణం వహిస్తున్నారు.