విక్టరీ వెంకటేష్‌ తన సినిమా ‘నారప్ప’ షూట్ పై ఇప్పటికే క్లారిటీ ఇస్తూ కరోనా ప్రభావం తగ్గాకే షూటింగ్ ఉంటుందని తెలిపాడు. అయితే తాజాగా మేకర్స్ వెంకీ లేని సీన్స్ ను షూట్ చేయాలని ప్లాన్ చేస్తున్నారు. ముందుగా నారప్ప కొడుకు పాత్రకు సంబంధించిన సీన్స్ ను తీయనున్నారు. రామోజీ ఫిల్మ్ సిటీలో ఈ సినిమా షూట్ వచ్చే వారం నుండి మొదలుపెట్టనున్నారు. అయితే ఈ వార్తకు సంబంధించి మేకర్స్ నుండి ఇంకా ఎలాంటి క్లారిటీ అయితే రాలేదు. ఇక జనవరి తరువాత ఎలాగూ వెంకీ షూట్ అంగీకారాన్ని తెలిపాడు కాబట్టి.. అప్పుడు వెంకీ సీన్స్ ను తీస్తారట.
ఇక లాక్ డౌన్ కి ముందు రిలీజ్ చేసిన ఈ చిత్రంలోని వెంకీ లుక్ కి ట్రెమండస్‌ రెస్పాన్స్‌ వచ్చింది. ‘నారప్ప’గా విక్టరీ వెంకటేష్‌ లుక్ చాలా ఇంటెన్స్‌గా ఉంది. మాస్‌ గెటప్‌లో పూర్తి వైవిధ్యంగా కనిపిస్తూ సర్‌ప్రైజ్‌ చేశారు. కాగా తమిళ్‌లో బ్లాక్‌బస్టర్‌ హిట్‌గా సంచలనం సృష్టించిన ‘అసురన్‌’ చిత్రానికి ఇది రీమేక్‌. ఈ చిత్రాన్ని శ్రీకాంత్‌ అడ్డాల దర్శకత్వంలో సురేష్‌ ప్రొడక్షన్స్‌ ప్రై.లి, వి క్రియేషన్స్‌ పతాకాలపై డి.సురేష్‌బాబు, కలైపులి ఎస్‌. థాను సంయుక్తంగా నిర్మిస్తున్నారు. విక్టరీ వెంకటేష్‌ హీరోగా నటిస్తున్న ఈ చిత్రానికి సినిమాటోగ్రఫీ: సామ్‌.కె నాయుడు, సంగీతం: మణిశర్మ, ఎడిటర్ గా మార్తాండ్ కె. వెంకటేష్‌ పని చేస్తున్నారు.