దర్శకధీరుడు రాజమౌళి తెరకెక్కిస్తున్న ఆర్ ఆర్ ఆర్ నుండి మరో కొద్దిరోజులలో బిగ్ సర్ప్రైజ్ రానుంది. ఎన్టీఆర్ బర్త్ డే కానుకగా మే 20న కొమరం భీమ్ గా ఆయన్ని పరిచయం చేయనున్నాడు. ఎన్టీఆర్ అభిమానులతో పాటు, సగటు సినీ ప్రేమికులు ఈ వీడియో కోసం ఆసక్తిగా ఎదురుచూస్తున్నారు. ఐతే లాక్డౌన్ కారణంగా ఎన్టీఆర్ ఇంట్రడక్షన్ వీడియో ఉండకపోవచ్చని కొద్దిరోజులుగా పుకారు నడుస్తుంది. ఐతే అది నిజం కాదని, ఎన్టీఆర్ ఫస్ట్ లుక్ వీడియో ఇప్పటికే సిద్ధం అయ్యిందని టాక్.

నిమిషానికి పైగా ఉండే ఈ ఫస్ట్ లుక్ వీడియోలో ఎన్టీఆర్ లుక్, డైలాగ్స్ తో పాటు యాక్షన్ మూమెంట్స్ వీరలెవల్లో కుదిరాయట. ఇప్పటికే ఈ వీడియో చూసిన టీమ్ అద్భుతం అని ఫీడ్ బ్యాక్ ఇచ్చారని వినికిడి. చాలా కాలంగా ఎన్టీఆర్ ని వెండి తెరపై మిస్సవుతున్న ఫ్యాన్స్ దాహం తీర్చేలా ఈ వీడియో ఉంటుందట. ఇప్పటికే విడుదలైన చరణ్ ఫస్ట్ లుక్ వీడియో ఆకట్టుకోగా, అందుకు ఏ మాత్రం తగ్గకుండా ఎన్టీఆర్ వీడియో కూడా ఉంటుందని టాక్. ఇక లాక్డౌన్ ముగిసిన అనంతరం రాజమౌళి ఆర్ ఆర్ ఆర్ షూటింగ్ మొదలుపెట్టనున్నారు. ఆర్ ఆర్ ఆర్ జనవరి 8, 2021లో విడుదల కానుంది.