యువ కథానాయకుడు సుశాంత్ హీరోగా ఎస్.దర్శన్ దర్శకత్వంలో రాబోతున్న చిత్రం ‘ఇచ్చట వాహనములు నిలుపరాదు’. ఈ చిత్రం ద్వారా మీనాక్షి చౌదరి హీరోయిన్ గా పరిచయం అవుతుంది. వెంకట్, వెన్నెల కిశోర్, ప్రియదర్శి, అభినవ్ గోమటం కీలక పాత్రలలో నటిస్తున్నారు. ఈ చిత్రం ఈ రోజు అన్నపూర్ణ స్టూడియోస్ లో పూజా కార్యక్రమాలతో ఘనంగా ప్రారంభమైంది.
కాగా ఈ మూవీ ఒక మంచి థ్రిల్లర్ అని కాన్సెప్ట్ చాలా కొత్తగా ఉంటుందని తెలుస్తోంది. ‘చి.ల.సౌ’ లాంటి హిట్ తరువాత సోలో హీరోగా ఈ సినిమా చేస్తోన్న సుశాంత్ కి మళ్లీ హిట్ వస్తోందా ? ఆర్టిస్టులు అండ్ టెక్నిషియన్స్ ల లీస్ట్ చూసుకుంటే సినిమాకి మంచి టీంనే పనిచేయబోతున్నారని అనిపిస్తోంది. కొత్తదనంతో చేస్తోన్న ఈ సినిమా సుశాంత్ కెరీర్ కి ఎంతవరకు ఉపయోగపడుతుందో చూడాలి.
ఇక ఎఐ స్టూడియోస్, శాస్త్రా మూవీస్ పతాకాలపై రవిశంకర్ శాస్రి, హరీష్ కోయలగుండ్ల సంయుక్తంగా ఈ సినిమాని నిర్మిస్తున్నారు. అన్నట్టు రవిశంకర్ శాస్రి భానుమతి గారి మనవడు కావడం విశేషం.