ప్రస్తుతం పవర్ స్టార్ పవన్ కళ్యాణ్ ‘కెమెరామెన్ గంగతో రాంబాబు’ కోసం గచ్చిబౌలిలోని అల్యూమినియం ఫాక్టరీలో కొన్ని యాక్షన్ సన్నివేశాల్లో నటిస్తున్నారు. ఇంకా ఇక్కడే రెండు రోజులు చిత్రీకరణ జరుపుకోనుంది. మేము ఇది వరకు చెప్పినట్టుగానే స్పెషల్ నైట్ ఎఫ్ఫెక్ట్స్ తో ఈ ఫైట్స్ ని చిత్రీకరిస్తున్నారు. తమన్నా కథానాయికగా నటిస్తున్న ఈ చిత్రంలో బ్రెజీలియన్ బ్యూటీ గాబ్రియేల ఒక కీలక పాత్ర పోషిస్తోంది.
డాషింగ్ డైరెక్టర్ పూరి జగన్నాథ్ దర్శకత్వం వహిస్తున్న ఈ చిత్రం చిత్రీకరణ శర వేగంగా జరుగుతోంది. ఈ చిత్రాన్ని అక్టోబర్ 18న విడుదల చేయడానికి సన్నాహాలు చేస్తున్నారు. డి.వి.వి దానయ్య నిర్మిస్తున్న ఈ చిత్రానికి స్వరబ్రహ్మ మణిశర్మ సంగీతం అందిస్తున్నారు.