తమిళ స్టార్ హీరో ధనుష్ హీరోగా కృతి సనన్ హీరోయిన్ గా దర్శకుడు ఆనంద్ ఎల్ రాయ్ తెరకెక్కించిన ప్రేమకథ చిత్రమే ‘తేరే ఇష్క్ మే’. ఈ చిత్రాన్ని తమిళ్, తెలుగులో కూడా ప్లాన్ చేశారు కానీ చివరి నిమిషం ప్లాన్స్ మూలాన అవి వర్కౌట్ కాక కేవలం హిందీలోనే ఈ సినిమా విడుదల అయ్యింది. అయితే హిందీలో ఈ సినిమాకి సాలిడ్ ఓపెనింగ్స్ దక్కే అవకాశం ఉందని ఆల్రెడీ మేము తెలిపాము.
మరి అనుకున్నట్టు గానే ధనుష్ హిందీలో మరోసారి తన ర్యాంపేజ్ చూపించాడు. ఊహించిన విధంగానే ఈ సినిమా 15 కోట్లకి పైగా నెట్ వసూళ్లు కేవలం ఇండియాలోనే రాబట్టి అదరగొట్టింది. మొదటి రోజు 15.06 కోట్ల నెట్ వసూళ్లు ఈ సినిమా సాధించింది. దీనితో ఈ వీకండ్ లో కూడా సాలిడ్ నంబర్స్ ఈ సినిమాకి దక్కే ఛాన్స్ ఉందని చెప్పవచ్చు. మరి హిందీలో మరో పెద్ద హిట్ ని ధనుష్ ఈ సినిమాతో అందుకున్నట్టే అని కూడా చెప్పవచ్చు.
