నవ దళపతి సుధీర్ బాబు, బాలీవుడ్ పవర్‌హౌస్ సోనాక్షి సిన్హా ప్రధాన పాత్రలలో నటిస్తున్న మోస్ట్ ఎవైటెడ్ సూపర్ నేచురల్ మైథలాజికల్ థ్రిల్లర్ ‘జటాధర’. ఈ పాన్-ఇండియా ద్విభాషా చిత్రానికి వెంకట్ కళ్యాణ్, అభిషేక్ జైస్వాల్ దర్శకత్వం వహించారు. జీ స్టూడియోస్, ప్రేరణ అరోరా సమర్పిస్తున్న ఈ చిత్రాన్ని ఉమేష్ కుమార్ బన్సల్, శివిన్ నారంగ్, అరు‍ణ అగర్వాల్, ప్రేరణ అరోరా, శిల్పా సింగ్‌హల్, నిఖిల్ నందా నిర్మించారు. ఈ చిత్రంలో శిల్పా శిరోధ్కర్ కీలక పాత్ర పోషించారు. జటాధర నవంబర్ 7న హిందీ, తెలుగు భాషల్లో విడుదల కానుంది. ఈ సందర్భంగా హీరో సుధీర్ బాబు విలేకరుల సమావేశంలో సినిమా విశేషాలు పంచుకున్నారు.
‘జటాధర’ కథ ఫస్ట్ టైం మీ దగ్గరికి వచ్చినప్పుడు ఎలా ఫీలయ్యారు?
చిన్నప్పుడు మనం జానపద, చందమామ కథలు వినుంటాం.’బ్యాంకులో లేని సమయంలో ధనాన్ని భూమిలో పాతి ఒక బంధనం వేసి దానికి ఒక పిశాచి కాపలాగా ఉంటుంది’ అని ప్రచారంలో ఒక కథ ఉండేది. ఈ కథకు అలాంటి ఒక జానపదం ఆధారం. అలాంటి కథని ప్రజెంట్ టైంలోకి తీసుకొచ్చి చాలా ఇంట్రెస్టింగ్గా ప్రజెంట్ చేశారు. బిగ్ స్క్రీన్ మీద చూడదగ్గ కథ అనిపించింది.
జటాధర మీ క్యారెక్టర్ ఎలా ఉంటుంది?
ఇందులో ఘోస్ట్ హంటర్ గా కనిపిస్తా. అయితే తనకి దెయ్యాలు ఉన్నాయంటే నమ్మకం ఉండదు. దేవునిపై నమ్మకం ఉంటుంది. సైన్స్ ని నమ్ముతాను. అలా ఎందుకనేది సినిమాలో చాలా ఆసక్తికరంగా ఉంటుంది. జటాధర అనే టైటిల్ వినగానే ఇది డివైన్ సినిమాని తెలుస్తుంది. ఆ పాయింట్ కి రీచ్ అయ్యేవరకూ ఉండే జర్నీ చాలా ఎక్సయిటింగ్ గా ఉంటుంది. ఇది ఆడియన్స్ ని థ్రిల్ చేస్తుంది.
సోనాక్షి గారితో వవర్క్ చేయడం ఎలా అనిపించింది?
సోనాక్షి చాలా అద్భుతమైన నటి. తన లుక్స్ సౌత్ ఇండియన్ లాగే ఉంటాయి. తన నటన అందరినీ ఆకట్టుకుంటుంది. ధనపిశాచి క్యారెక్టర్ కి చాలా వాల్యు యాడ్ చేశారు.
శిల్పా శిరోద్కర్ గారి గురించి?
శిల్పా గారు శోభ అనే పాత్రలో కనిపిస్తారు. అద్భుతంగా నటించారు. చాలా హెవీ పెర్ఫార్మన్స్ ఉన్న క్యారెక్టర్ అది. సినిమా తర్వాత తనకి చాలా మంచి అవకాశాలు వస్తాయి. తన పర్ఫార్మెన్స్ అవుట్ స్టాండింగ్ ఉంటుంది.
మ్యూజిక్ ఎలా ఉంటుంది?
రాజీవ్ చాలా అద్భుతంగా చేశాడు. ఇందులో శివతాండవం ఎపిసోడ్ ఉంటుంది. అది థియేటర్స్ లో గ్రేట్ ఎక్స్పీరియన్స్ ఇస్తుంది.
జీ స్టూడియోతో వర్క్ చేయడం ఎలా అనిపించింది?
చాలా అనుభవం ఉన్న ప్రొడ్యూసర్స్. చాలా సక్సెస్‌ఫుల్ సినిమాలు తీశారు. వాళ్ళకి కంటెంట్ మీద పూర్తి నమ్మకం ఉంది. ఈ సినిమాకి కావాల్సిన ప్రతిదీ సమకూర్చారు.
ఈ సినిమా ప్రమోషన్స్ లో ట్విట్టర్లో ఫాన్స్ తో లైవ్ లో చాట్ చేశారు కదా.. ఎలా అనిపించింది?
ఫ్యాన్స్ తో ఇంట్రాక్ట్ అవ్వడం ఎప్పుడూ హ్యాపీగా ఉంటుంది. వాళ్ళ రెస్పాన్స్ చాలా ఎనర్జీ ఇస్తుంది. అలాగే ఇంస్టాగ్రామ్ కాల్ లో కొందరు ఫాన్స్ తో కూడా మాట్లాడాను. నేను ఎప్పుడూ సోషల్ మీడియాలో ఎక్కువగా ఉండను. ఈసారి ఫ్యాన్స్ తో ఇంట్రాక్ట్ అవ్వడం చాలా ఆనందాన్ని ఇచ్చింది.
ఇందులో మహేష్ బాబు గారు కనిపిస్తారని టాక్ వినిపిస్తుంది?
లేదండి. నిజానికి ఇందులో శివుడు కనిపించే ఒక ఎపిసోడ్ ఉంది. అక్కడ కృష్ణ గారిని చూపించాలని అనుకున్నాం. కానీ వీఎఫ్ఎక్స్ కి ఎక్కువ సమయం కుదరలేదు. ఇందులో కృష్ణ గారు గాని మహేష్ గారు గాని కనిపించడం ఉండదు.
అవుట్ పుట్ చూసుకున్న తర్వాత ఎలా అనిపించింది?
సినిమా చాలా అద్భుతంగా వచ్చింది. ఎక్కడ కూడా బోర్ కొట్టదు. నరేషన్ చాలా చాలా ఇంట్రెస్టింగ్ గా ఉంటుంది. ఆడియన్స్ చాలా థ్రిల్ అవుతారు.
నెక్స్ట్ సినిమాల గురించి?
రాహుల్ రవీంద్రన్ తో ఒక సినిమా ఉంది. ఇప్పుడు వరకు అలాంటి కాన్సెప్ట్ వరల్డ్ సినిమాల్లో రాలేదు. కాన్సెప్ట్ పరంగా అది ఒక బాహుబలి లాంటి సినిమా. అలాగే పుల్లెల గోపీచంద్ బయోపిక్ కూడా చేయాలి.
