ప్రస్తుతం మలయాళ సినిమాలకు దేశవ్యాప్తంగానే కాదు ప్రపంచవ్యాప్తంగా ఎనలేని గౌరవం, ఆదరణ ఉన్న విషయం తెలిసిందే. కంటెంట్ బేస్డ్ సినిమాలకు కేరాఫ్ అడ్రస్ గా ఉన్న మలయాళం నుంచి వస్తున్న మరో హార్ట్ టచ్చింగ్ మూవీ “సూత్రవాక్యం”. ఈనెల 11న మలయాళ వెర్షన్ ప్రపంచవ్యాప్తంగా జినీవెర్స్ మోషన్ పిక్చర్స్ ప్రైవేట్ లిమిటెడ్ ద్వారా విడుదలవుతోంది. ఇదే సంస్థ “సూత్రవాక్యం” పేరుతోనే తెలుగులోనూ విడుదలకి సిద్ధం చేశారు.
పోలీస్ స్టేషన్స్ కు నేరాలు చేసినవాళ్ళు, సదరు నేరాలకు బలైన బాధితులు మాత్రమే ఎందుకు వెళ్ళాలి? ఖాళీ సమయాల్లో పోలీసు సిబ్బంది… పిల్లలకు పాఠాలు ఎందుకు చెప్పకూడదు? పోలీసుల్ని చూసి భయపడే సంస్కృతి ఇంకా ఎందుకు కొనసాగాలనే ఒక గొప్ప విప్లవాత్మకమైన ఆలోచనకు.. పుష్కలమైన వినోదం జోడించి రూపొందిన “సూత్రవాక్యం” భారతీయ చలన చిత్ర చరిత్రలో చిరస్మరణీయంగా నిలిచిపోతుంది. ఇంత గొప్ప కంటెంట్ కలిగిన “సూత్రవాక్యం” చిత్రాన్ని నిర్మించే అవకాశం రావడం పట్ల చాలా గర్వపడుతున్నాం” అంటున్నారు “సినిమా బండి” ఫేమ్ కాండ్రేగుల లావణ్యాదేవి – కాండ్రేగుల శ్రీకాంత్.
యూజియాన్ జాస్ చిరమ్మల్ అనే ప్రతిభాశాలిని దర్శకుడిగా పరిచయం చేస్తూ సినిమా బండి ప్రొడక్షన్స్ పతాకంపై కాండ్రేగుల లావణ్యాదేవి సమర్పణలో… కాండ్రేగుల శ్రీకాంత్ నిర్మించిన ఈ చిత్రంలో… షైన్ టామ్ చాకో, విన్సీ ఆలోషియస్, దీపక్ పరంబోర్, మీనాక్షి మాధవి, దివ్య ఎం. నాయర్ ముఖ్య తారాగణం. నిర్మాత శ్రీకాంత్ కాండ్రేగుల కూడా ఈ చిత్రంలో ఓ ముఖ్య పాత్ర పోషించడం విశేషం. అలాగే మేకర్స్ ఈ సినిమాని ప్రపంచ వ్యాప్తంగా 14 దేశాల్లో విడుదలకి ప్లాన్ చేస్తున్నారు.
