క్రేజీ స్టార్ విజయ్ దేవరకొండ – డేర్ అండ్ డాషింగ్ డైరెక్టర్ పూరి జగన్నాథ్ కలయికలో ‘ఫైటర్’ సినిమా వస్తోంది. కాగా ఈ చిత్రం తదుపరి షెడ్యూల్ త్వరలోనే హైదరాబాద్‌లో ప్రారంభమవుతుంది. అయితే ప్రస్తతం ఈ సినిమాకి సంబంధించిన సెట్ వర్క్ జరుగుతుంది. అలాగే పూరి ప్రస్తుతం ఈ సినిమా నేపథ్య సంగీతం కోసం మణిశర్మతో మ్యూజిక్ సిట్టింగ్స్ లో కూర్చుంటున్నాడని తెలుస్తోంది. ఇక ఇప్పటికే ఈ సినిమా సాంగ్స్ కూడా పూర్తి అయ్యాయట. వచ్చే షెడ్యూల్ లో సాంగ్ షూట్ కూడా ఉండనుంది.
కాగా ఈ చిత్రాన్ని అన్ని దక్షిణ భాషలతో పాటు హిందీలో కూడా ఒకేసారి తెరకెక్కిస్తున్నారు. ఫైటర్ కథలో పాన్ ఇండియా అప్పీల్ ఉందని భావించిన కరణ్ జోహార్ కూడా పూరి, ఛార్మిలతో కలిసి ఈ సినిమా నిర్మణంలో భాగస్వామి అయ్యాడు. ఇక విజయ్ దేవరకొండ చాల రోజులనుంచి బాలీవుడ్ సినిమా చేయాలని ఎంతో ఆసక్తిగా ఎదురు చూస్తున్నాడు. మరి ఈ సినిమా విజయ్ దేవరకొండకు ఎలాంటి హిట్ ను ఇస్తోందో చూడాలి.
